Trumbettista.
Nasciu su 30 de su Mes'e Ladamini in su '73 in Guasilla, una una bidda sarda cummenti nd at medas, ca s'agattat in d'unu logu sperdiu de sa provincia de Casteddu, sa Trexenta.
Su primu imparu cun sa trumba candu teniat 9 annus, in sa banda de Seddori (una bidda de accanta) dirigia de su tzieddu: de s'arantzia cosa sua de parti de s'aiaiu de su babbu fiant e funti tottus sonadoris. Una pariga de annus a pustis si scrit a su conservatoriu e, in s'interis chi studiat, cummentzat a fai cuntzertus de musica classica impari cun orchestras e a solu e cun is primus gruppixeddus rock, jazz e atrus puru.
Si nci bandat a bivi a Bologna, e me ingunis cummentzat a fai parti de sa cambarada manna propiu anca faint unu iaxi de cosas. Sonat dogna arratza de musica: a candu cuddu jazz traballosu, a candu cudd'atru prus traditzionali, a candu sa salsa caraibica o fintzas sa musica de is zingarus e atra puru... In prus' chi sonat issu' ddu imparat a is atrus puru, siat in domu sua, o a sa scola de musica Ivan Illich.
A poi de ai biviu ott'annus in Bologna, cummenti sind accattat ca inguni ' no faint prus mancu una spera, a accuccadura, furriat a bidda sua, po ammostai tottu su chi at imparau foras in cambiu de s'esperientzia de cuddus chi invecis funt abarraus in Sardigna.
Cummentzat a cannosci sonadoris de sonus de canna (is chi si tramandant una de is traditzionis musicalis prus antigas, e a su propiu tempus prus traballosas) imparendiddas a sonai issu e tottu, e in prus cummentzad a praticai su cantai de sei de Campidanu, iat essi cummenti si cantat in sa parti bascia de sa Sardigna, ca Guasilla puru, sa bidda cosa sua, send essi in Trexenta fait parti.
A poi de una pariga de annus ch'est torrau in Sardigna s'est postu impari cun atrus artistas ca nci bivint, e de is chi funt emigraus, cun bideas simbilis a is suas formendi impari una speci de "obreria" tottu cun musicistas, poetas e scridoris.
Immoi sonat impari cun su Enzo Favata Tentet: "The New Made in Sardinia" project e su progettu Voyage en Sardaigne.
At sonau fintzas e cun:
Misha Mengelberg, Roswell Rudd, Lester Bowie, Tristan Honsinger, Lukas Ligeti, Steve Lacy, Elliot Sharp, Dragan Nikolic, Ivo Iliev, Sid Amhed Benbali, Miriam Palma, Saadet Turkoz, Michael Riessler, Gianni Gebbia, Giancarlo Schiaffini, Tiziano Tononi, Vinicio Capossela, Roy Paci, Paolo Angeli, Antonello Salis, Tanaka Yumiko, Andy Moor, Phillip Greenlief, Chris Cutler, Phil Minton, Francesco Cusa, is poetas Alberto Masala, Serge Pey, Lance Henson, Jack Hirshmann; is ballerinas Katleen Delaney, Carla Onni, Rita Spadola, Hisako Horikawa; su scridori Marcello Fois; s'artista Anton Roca; s'attrici Antonella Puddu.
